Женнифер Лопес 20 жыл мурда сүйлөшкөн жигитиине турмушка чыкты

Голливуд актёру Бен Аффлек менен ырчы Женнифер Лопес баш кошушту. Бул тууралуу Lenta.ru билдирди.

TMZ басылмасына шилтеме берүү менен 16-июлда Невада штатынын Кларк округунда үйлөнүү үлпөтү болгонун жазат.

Ошондой эле Женнифер Лопес күйөөсүнүн фамилиясын турмушка чыккандан кийин алганы маалымдалган. Документтерге ылайык, ал азыр - Женнифер Аффлек.

HollywoodLife апрель айында үйлөнүү тою Лос-Анжелесте жайдын аягында же күздүн башында болорун билдирген.

Андан кийин Женнифер Лопес Бен Аффлекке баш кошконун жарыялаган. Түгөйлөр дээрлик 20 жыл мурун ажырашып кетишкен, бирок былтыр ырчы менен актёрдун сезимдери кайра жанган.