Жергиликтүү адистер даярдаган дезинфекциялык туннелдер кайсыл жерге орнотулары айтылды

Дезинфекциялык туннелдер Республикалык клиникалык инфекциялык ооруканада орнотулат. Бул тууралуу Республикалык ыкчам штабдан билдирди.

Маалыматка ылайык, бир кабина ооруканага келгендер үчүн, экинчиси тез жардам машиналары үчүн коюлат.

Эске салсак, жабдуулар жергиликтүү адистер тарабынан иштелип чыккан жана коронавируска каршы күрөшүү максатында мамлекетке акысыз өткөрүлүп берилген.

Маалыматка таянсак, туннелдердин жалпы наркы 1,5 млн сомду түзөт, алар Бишкек шаары боюнча Өзгөчө кырдаалдар министрлигинин балансында катталары айтылды.