Жергиликтүү кеңештин шайлоосунда кимдер добуш бере алат?

Жергиликтүү кеңештерге добуш берүү  каттоодо турган жеринен гана ишке ашат. Бул тууралуу БШКнын мүчөсү Кайрат Осмоналиев 24.kg агенттигине билдирди.

Анын айтымында, 11-апрелдеги шайлоо 448 жергиликтүү кеңеште өтөт, анын 28и шаардык кеңеш, 420сы айылдык кеңештер.

“Шаарларда шайлоо пропорционалдык система боюнча өтөт, айылдарда бир мандаттуу система боюнча өтөт. Шайлоочулардын тизмелери ар бир аймак боюнча өзүнчө түзүлөт. Шайлоочу катталган жери боюнча гана добуш бере алат. Эгер шайлоочу башка жерде катталган болсо, ал добуш берүү укугунан ажыратылат”, - деп түшүндүрдү Кайрат Осмоналиев.