11-апрелде өткөн жергиликтүү кеңештин шайлоосунун расмий жыйынтыгы 2-майга чейин чыгат. Бул тууралуу 24.кг агенттиги БШКга таянып билдирди.
Маалыматка ылайык, 20 күндүн ичинде аймактык шайлоо комиссиялары түшкөн арыз жана протоколдорду толук текшерүүгө тийиш. Андан кийин маалыматтар БШКга түшөт.
Эгер кандайдыр бир одоно мыйзам бузуу жана массалык добуш сатып алуу катталган болсо, партия же талапкер шайлоодон четтелиши мүмкүн.
Эскерте кетсек, 11-апрелде республика боюнча 420 айылда жана 28 шаарда жергиликтүү кеңештин шайлоосу болуп өттү.
Пикирлер (1)