Жетекчилик кызматты убадалаган. Бишкекте алдамчылыкка шектелген жаран кармалды

Бишкекте милиция алдамчылыкка шектелген жаранды кармады. Бул тууралуу Биринчи май райондук ички иштер бөлүмүнөн билдиришти.

21-июнь күнү милицияга Т.И. аттуу жаран арыз менен кайрылган. Анын айтымында, өлкө жетекчилиги менен болгон байланышына жамынып, облустун аймактарынын бирине жетекчи болуп иштөөнү сунуштаган.

Ошентип, жарандар О.Б. жана Ш.Т. 50 миң долларды алдоо жолу менен ээлеп алган.

Бул факты боюнча Кылмыш-жаза кодексинин 209-беренеси (Алдамчылык) боюнча кылмыш иши козголгон

Кылмышка шектүү катары 1992-жылы туулган О.Б. кармалган. Ал Бишкек шаардык ички иштер башкы башкармалыгынын убактылуу кармоочу жайына киргизилди. Анын ушул сыяктуу кылмыштарга катыштыгы бар экендиги такталууда.

Эгерде сиз кол салуучунун кылмыштуу аракеттеринен жапа чеккен болсоңуз же кандайдыр бир маалыматыңыз болсо, төмөнкү телефондорго кайрылсаңыз болот: 0(700) 00-20-20 жана 102.