Жети-Өгүздө милиция кызматкери пневмониядан каза болду

Жети-Өгүз районунда милициянын майору Калыс Садыр уулу дарттан улам дүйнөдөн өттү. Бул тууралуу облустук ички иштер башкармалыгынан билдиришти.

Маалыматка караганда, милиция кызматкери пневмонияга чалдыгып, Жети-Өгүз аймактык ооруканасынын жугуштуу оорулар бөлүмүнө жаткырылган жана медициналык жардамга карабай дарттын кесепетинен көз жумган.

Ысык-Көл ОИИБинин кызматкерлери кесиптешинин мезгилсиз дүйнөдөн кайткандыгына байланыштуу терең кайгыруу менен жакындарына, туугандарына көңүл айтат.