Бейөкмөт уюмдун атын жамынып алып кыргызды уруу-урууга бөлгөн чагымчыл уюмдарыбыз бар. Бул тууралуу 5-мартта “Медиа центр” мультимедиалык-маалымат агенттигинде өткөн жыйында Жогорку Кеңештин депутаты Жылдыз Мусабекова айтты.
Мусабекова учурда Кыргызстанда 14 миң бейөкмөт уюму бар экенин, алардын айрымдары өлкөнүн бетине көлөкө түшүрүп жатканын билдирди.
“Бейөкмөт уюмдардын иш-чарасы ачык болсун, финансысы кайдан келип, эмнеге жумшалып жатат? Алар акчаны аялдарды коргойбуз деп алып, анан эркек күйөгө тийем деп эшикке чыгат экен. Биз мынтип олтура берсек кыргыз элибизди жик-жикке бөлүп, бат эле жок кылып коёбуз”, - дейт Жылдыз Мусабекова.
Ошондой эле Мусабекова саламаттыкты сактоо тармагына, айыл-чарбага, экономикага каражат тартып, абийирдүүлүк менен иштеп жаткан бейөкмөт уюмдарды да бар экенин кошумчалады.
Пикирлер (0)
Пикир жок. Сиз биринчилерден болушуңуз мүмкүн