Жылдыз Жолдошева: Келишим туура же туура эмес түзүлгөнүн ошол чек арада жашага эл гана айталат

УКМК төрагасы Камчыбек Ташиев маалымат жыйында “кыргыз-өзбек чек арасы боюнча маселелерге чекит коюлду, чек ара 100% чечилди. Эми ортодо талаштуу жерлер жок”, - деп айтты.

30 жылдан бери чырлуу көйгөй жараткан бул проблема мындан ары кайталанбайт деп ишенсек болобу? Бул суроого коомдук жана саясий ишмер, Жогорку Кеңештин экс-депутаты Жылдыз Жолдошева “Медиа центр” мультимедиалык-маалымат агенттигине мындайча жооп берди.

-  Камчыбек Ташиевдин аракети кыргыз-өзбек чек арасын, деги эле кошуна өлкөлөр менен албетте, элибизге үмүт берип турат. Ал эми сиздин берген сууроолоруңузга ылайык жооп берсем, проблема жаратабы, же жаратпайбы, аны бир гана убакыт көрсөтөт. Ошондой эле реалдуу жашоо, анткени кагаз баарын көтөрө берет, идеалдуу чечилгендей сезилет. 5-10 жылдын аралыгында келишим туура түзүлдүбү, туура эмес түзүлдүбү, аны ошол чек арада жашаган  эл гана айталат.