"Мекенчил" партиясынын мүчөсү Жылдызкан Жолдошеванын президенттин аппаратында иштеген уулу кызматтан алынган. Бул тууралуу Жолдошева Фейсбук баракчасына жазды.
Анын айтымында, ал Садыр Жапаровдун саясатын сындаган үчүн уулун кызматтан алган.
"Уулумду Президенттин аппаратынын жетекчиси С.Касмамбетов 1,5 ай мурун, чакырып кызматка алышкан. Кечээ, мен "Өлкөдөгү саясий абал" деген конференцияда Жерүй, Камбар-Ата-1 маселеси боюнча өз оюму айткан соң, бүгүн уулумду жумуштан кетиришиптир.
Уулум, биздин үй-бүлө эмнени гана көргөн жок, силер сынбадыңар...менин саясий көз карашымды колдоп келдиңер, кандай гана кырдаал болбосун. Ал үчүн, мен сиздерге ыраазымын",- деп билдирүү калтырган.
Пикирлер (2)