Жыпар Жекшеев COVID-19 илдетинен көз жумду

Коомдук жана саясий ишмер Жыпар Жекшеев COVID-19 илдетинен каза болду. Бул тууралуу анын жакындары кабарлашты.

Маалыматтарга ылайык, ал Бишкектеги улуттук госпиталда COVID-19 илдетине байланыштуу дарыланып жаткан. Бүгүн, 21-июлга караган түнү көз жумган.

Жыпар Жекшеев 1947-жылы 26-майда Ысык-Көл облусуна караштуу Түп районундагы Талды-Суу айылында туулган.

1989-жылы “Ашар” козголушунун аткаруу комитетинин төрагасы болуп шайланган. Ал эми 1990-жылы май айында ал “Кыргызстан” демократиялык кыймылынын (КДК) беш теңтөрагасынын бири болуп шайланган.

2017–2019-жылдары КТРКнын Байкоочу кеңешинин мүчөсү жана төрагасы болуп иштеп, өз ыктыяры менен бул жумуштан кеткен.