Жогорку Кеңеш Акыйкатчынын орун басарын шайлады

Жогорку Кеңеш Кыргызстандын Акыйкатчысынын орун басарлык кызматына Жамгырчиева Гүлнара Оморовнанын талапкерлигин жактырды.

Бүгүн, 18-мартта парламенттин жалпы жыйынында КР акыйкатчысы Токон Мамытов тарабынан Акыйкатчынын орун басарлык кызмат ордуна Гүлнара Жамгычиеванын талапкерлиги сунушталды.

Токон Мамытовдун айтымында, бул талапкер Акыйкатчынын аппаратында 5 жылдай эмгектенген.

Добуш берүү жабык түрдө өтүп, 88 депутаттын макулдугу менен Гүлнара Жамгычиева 5 жылдык мөөнөткө шайланды.