Жогорку Кеңеш акыйкатчы кызматына Жамиля Жаманбаеванын талапкерлигин колдоду

Бүгүн, 17-майда Жогорку Кеңештин жыйынында депутаттар Кыргыз Республикасынын акыйкатчысы кызматына талапкерлердин маселесин карады.

Жыйындын башында "Ыйман Нуру" фракциясы тарабынан сунушталган талапкер өзүнүн талапкерлигин алууну чечти.

Ошентип, "Бүтүн Кыргызстан" сунуштаган Бакыт Рыспаев менен "Ата-Журт Кыргызстан", "Мекенчил" сунуштаган Жамиля Жаманбаеванын талапкерлиги каралды.

Суроо-жооптон кийин 48 депутат Жамиля Жаманбаевага, 20 депутат Бакыт Рыспаевге добуш берди.