Жогорку Кеңеш бүгүн кезексиз жыйынга чогулат

Жогорку Кеңештин депутаттары бүгүн, 1-апрелде кезексиз жыйынга чогулат. Бул тууралуу парламенттин басма сөз кызматы билдирди.

Жыйында “Улуттук банк, банктар жана банк иштери жөнүндө”, “Инновациялык иш жөнүндө”, “Кыргыз Республикасындагы лицензиялык-уруксат берүү тутуму жөнүндө” мыйзамдардын долбоолору жана “Кыргыз Республикасынын айрым мыйзам актыларына өзгөртүүлөрдү киргизүү тууралуу” Мыйзамдын долбоору каралат.

Ошондой эле, «Валюталык инфляцияга жана COVID-19 коронавирустук инфекциясынын жайылышына байланыштуу терс социалдык-экономикалык кесепеттерди азайтуу боюнча чаралар жөнүндө» Жогорку Кеңештин токтомунун долбоору бекитилет.