Кыргыз-тажик чек арасы боюнча келишимди ратификациядан өткөрүү үчүн Жогорку Кеңеште каралууда.
Жыйындын башталышында Жогорку Кеңештин төрагасы Нурланбек Тургунбек уулу билдиргендей, жыйын ачык-айкын, түз эфирде өтүп жаткандыктан өлкөбүздүн бардык жарандары көрө алышат.
“Бүгүн Жогорку Кеңештин жыйыны тарыхый жыйындардын бири. Анкени, биринчи маселе катары кыргыз-тажик мамлекеттик чек арасы боюнча ратификация маселесин карайбыз. Биргелешкен комитеттердин жыйынында ратификация 3 окууда каралгандан кийин кеңири талкуу менен пленардык жыйынга өтөбүз. Анан пленардык жыйында добуш беребиз. Ошондуктан урматтуу депутаттар активдүү катышыңыздар, кеңири талкуу болот”,- деди төрага.
Жыйынга өкмөттүк комиссиянын жетекчиси Камчыбек Ташиев баштаган комиссиянын бардык тийиштүү мүчөлөрү катышууда.
Эске салсак, Бишкекте Тажикстандын президенти Эмомали Рахмон менен президент Садыр Жапаров Кыргызстан менен Тажикстандын мамлекеттик чек арасы жөнүндө келишимге кол коюшкан.
Пикирлер (0)
Пикир жок. Сиз биринчилерден болушуңуз мүмкүн