Жогорку Кеңеш "Экономикалык амнистия" боюнча мыйзамды үч окууда кабыл алды

Бүгүн Жогорку Кеңеш "Экономикалык мунапыс жөнүндө мыйзам актыларына өзгөртүүлөрдү киргизүү жөнүндө" мыйзам долбоорун үч окууда кабыл алды. 

Мыйзам долбоорунун демилгечилери  Жогорку Кеңештин депутаттары Өмүрбек Бакиров, Марлен Маматалиев, Гүлшат Асылбаева, Салайдин Айдаров, Акылбек Жапаров.

Мыйзам долбоору республикалык бюджеттин тартыштыгы мезгилинде мүлктү жана кирешелерди ыктыярдуу декларациялоо процессине катышкан адамдарга карата ишкердик субъекттерине кошумча мамлекеттик кепилдиктерди белгилөө максатында, ошондой эле түрмөлөрдө жана тергөө изоляторлорунда кармалып турган адамдарга карата коронавирус инфекциясынын жайылышына байланыштуу гуманизмдин көрүнүшү катары кабыл алынган.