Жогорку Кеңеш саламаттыкты сактоо министрин кызматтан кетирүүнү өкмөткө сунуштады (ФОТО)

Жогорку Кеңештин депутаттары Социалдык маселелер, билим берүү, илим, маданият жана саламаттыкты сактоо боюнча комитетинин Саламаттыкты сактоо жана социалдык өнүгүү министри Алымкадыр Бейшеналиевди кызматтан алуу боюнча өкмөткө сунуштоо чечимин колдошту.

81 депутат "макул", 8 депутат "каршы" деп добуш берди.

Депутат Евгения Строкова Саламаттыкты сактоо жана социалдык өнүгүү министри Алымкадыр Бейшеналиев бардык чектен ашып кеткенин белгиледи. "Министрликте дагы, башкы дарыгерлер дагы жана анын кол алдындагылардын баарына боорум ооруйт. Акыркы окуялардан кийин, бешинчи протоколго "ууну" кошо турган болгондо, алар эмне кылышты билишпейт", - деди ал.

Строкова президентке кайрылды. "Мен анын досунун кылган ар бир ишине акыл-эстүү караганын каалайм. Анткени Саламаттыкты сактоо министри президентти уят кылып жатат. Ал аны Мадагаскардын президенти менен салыштырды, ага Мадагаскардын президенти ким экендигин окуп берсин. Бул уят, бул басынтуу. Мындай салыштыруу үчүн достугуңузду толугу менен токтотушуңуз керек", - деди ал.

Депутат Мирлан Жеенчороев министр калктын ден соолугуна коркунуч келтиргендиги үчүн кызматтан кетирилиши керектигин, бүткүл саламаттыкты сактоо тутумунун жана өкмөттүн беделин түшүргөндүгүн белгиледи. "Ал өзүнүн кызматтык абалынан колдонуп 400 бейтапка аконит берген. Бул өзү кылмыштуулук. Изилдөө өтүшү керек. Эгер ал табып болгусу келсе, анда кызмат ордунан кетсин", - деди ал.