Жогорку Кеңешке дагы бир жаңы депутат келди

Жогорку Кеңештин «Өнүгүү-Прогресс» фракциясынын депутаты Узакбаев Абылкайыр Осмонбековичтин ыйгарым укугу мөөнөтүнөн мурда токтотулду.

Борбордук шайлоо комиссиясынын басма сөз кызматынын маалыматына караганда, Узакбаев өз ыктыяры менен мандатын тапшырды. Анын күбөлүгү жараксыз деп табылды.

Узакбаевдин ордуна «Өнүгүү-Прогресс» партиясынан Исмаилов Уланбек Чекишович депутат болду. Ага Жогорку Кеңештин күбөлүгү жана төш белгиси ыйгарылды.

Буга чейин БШК Жогорку Кеңештин үч жаңы депутатын каттоого алганын маалымдаган.