Жогорку Кеңеште жаңы депутат Нургазы Айдаров ант берди

Жогорку Кеңештин бүгүн, 27-майдагы жыйынында жаңы депутат болуп барган Нургазы Абдыраевич Айдаров ант берди.

Белгилей кетсек, Айдаров экс-депутат Исхак Масалиевдин ордуна “Өнүгүү-Прогресс” фракциясынан депутат болуп барды.

Өткөн жумадагы парламент жыйынында Исхак Масалиев өлкөдөгү азыркы коомдук-саясий жана экономикалык абал боюнча кайрылуу жасап, өкмөттүн ишине ичи чыкпай турганын билдирген.

Ал 25-майдан тарта өз каалоосу менен мандатын тапшыруу чечимин кабыл алганын айтып, Жогорку мыйзам чыгаруу органында иштеп келген депутат катары мамлекетте жаралган көйгөйгөргө ал дагы  жоопкерчиликтүү экенин айткан.