Жогорку Кеңештеги эки фракция Россиядагы элчини кызматтан алуу сунушу менен президентке кайрылды

Бүгүн, 9-сентябрда Жогорку Кеңештеги "Альянс" жана "Элдик" фракциясы биргелешкен жыйын өткөрдү.

Анда депутаттар Кыргызстандын Россиядагы элчиси Гүлнара-Клара Саматтын ишине нааразылыгын билдирди.

"Урматтуу Садыр Нургожоевич, жарандар Россиядагы элчиңиз кандай иштеп жатканы тууралуу өзүңүзгө айта албаса да социалдык тармактарда жазып жатышат. Ошондуктан сиз өз эркиңизди билдирип, Россиядагы кыргыз жарандарынын укуктарын коргоп, жакшы иштеше турган адамды кызматка коёт деген ойдомун", — деп кайрылды Түмөнбаев.

Бүгүн аталган эки фракциянын миграциялык көйгөйлөр тууралуу жыйыны өттү. Анын жыйынтыгында чечим кабыл алынып, элчини иштен кетирүү сунуштамасы президентке жиберилди.