Жогорку Кеңештин депутаты Азизбек Турсунбаевдин Мекенди коргоочулар күнүнө карата куттуктоосу

Урматтуу мекендештер!

Ардактуу ардагерлер, мекен сакчылары!

 

Сиздерди 23-февраль –  Мекенди коргоочулар күнү менен чын дилимден куттуктайм!

"Эр жигит эл четинде, жоо бетинде" деп бекеринен айтылбаса керек. Ар бир кыргыз жигитинин көөдөнүндө мекенчилдик, Ата-Журтка болгон сүйүү сыяктуу өзгөчө патриоттуулук сезимдер жашайт. Анткени тарыхыбызды карай турган болсок, мекенди көздүн карегиндей сактоо үчүн эчендеген эрдиктерди жасаган баатырларыбыз арбын. Биз алардын эрдиктеринен дем, күч-кубат алып, аларга таазим этебиз.

Мына ушундай салтанаттуу күндө ар бириңиздерге бекем ден соолук, кажыбас кайрат, үй-бүлөлүк бакыт каалайм.

Сүйүктүү Кыргызстаныбызда ар дайым тынчтык болуп, гүлдөп өсө берсин.

Мекенибиздин бүтүндүгүн, чек арасын көздүн карегиндей сактаган мекен сакчыларыбыз аман болсун!

 

Урматтоо менен Жогорку Кеңештин депутаты Азизбек Турсунбаев