Жогорку Кеңештин комитеттеринин төрагалыгына кимдер сунушталды?

Бүгүн, 12-январда Жогорку Кеңештин депутаттары Жогорку Кеңештин структурасын жана вице-спикерлерди тандады.

Түштөн кийин Жогорку Кеңештин фракциялары 8 тармактык комитеттердин төрагалыгына өздөрүнүн талапкерлерин сунуштады.

Сунушталган талапкерлер:

- Эл аралык иштер, коргоо жана коопсуздук комитетине — Жанар Акаев, Тазабек Икрамов;

- Отун-энергетика комплекси, жер казынасын пайдалануу жана өнөр жай саясаты комитетине — Азиз Турсунбаев;

- Конституциялык мыйзам, мамлекеттик түзүлүш, сот-укуктук маселелер жана Жогорку Кеңештин регламенти комитетине — Медер Алиев;

- Каржы, экономика, фискалдык саясат комитетине — Данияр Төлөнов;

- Социалдык саясат, билим берүү, маданият, илим, саламаттыкты сактоо, спорт жана жаштар саясаты комитетине — Динара Ашимова;

- Укук тартиби, кылмыштылуулук менен күрөшүү жана коррупцияга каршы аракеттенүү — Сүйүнбек Өмүрзаков;

- Транспорт, коммуникация, архитектура жана курулуш комитетине — Бакыт Сыдыков;

- Агрардык саясат, суу ресурстары, экология жана аймактарды өнүктүрүү комитетине — Балбак Түлөбаев, Аманкан Кенжебаев.