Жогорку Кеңештин түзүмү бекитилди

Бүгүн, 12-январда Жогорку Кеңештин депутаттары Жогорку Кеңештин структурасын бекитти. 

Буга чейин депутаттык комиссия сунуштаган 8 комитет түзүү демилгесине 72 депутат "макул" 4 депутат "каршы" добушун берди.

Комитеттердин тизмеси:

▪️Эл аралык иштер, коргонуу жана коопсуздук комитети

▪️Отун-энергетика комплекси, жер казынасын пайдалануу жана өнөр жай саясаты комитети

▪️Конституциялык мыйзамдар, мамлекеттик түзүлүш, сот-укуктук маселелер жана регламент комитети

▪️Финансы-экономикалык саясат комитети

▪️Социалдык саясат, билим берүү, маданият, илим, саламаттык сактоо, спорт жана жаштар саясаты комитети

▪️Укук тартиби, кылмыштуулук менен күрөшүү жана коррупцияга каршы күрөшүү комитети

▪️Транспорт, коммуникациялар, архитектура жана курулуш комитети

▪️Агрардык саясат, суу ресурстары жана региондорду өнүктүрүү комитети

 VI чакырылыштын депутаттары эки вице-спикер жана тогуз тармактык комитет менен иштеген.