Жогорку Кеңештин жаңы аппарат жетекчиси дайындалды

Бакытбек Мажитов Жогорку Кеңештин аппарат жетекчиси болуп дайындалды. Тиешелүү тескемеге төрага Талант Мамытов кол койду.

Жогорку Кеңештин басма сөз кызматы билдиргендей, Бакытбек Мажитов 1976-жылы 20-декабрда туулган. Юридикалык жана экономикалык жогорку билимге ээ, юридика илимдеринин кандидаты.

Мажитов 2020-жылдын ноябрынан бери Жогорку Кеңештин төрагасынын кеңешчиси болуп иштеп келген.