Жогорку соттун төрайымы Гүлбара Калиева тергөөгө келбей жатат. Бул тууралуу Улуттук коопсуздук боюнча мамлекеттик комитетинин маалымат кызматы кабарлады.
Анда күбө катары суракка чакырылып жатканы тууралуу кагаз Жогорку соттун төрайымы Гүлбара Калиеванын өз колуна 30-декабрда тапшырылган.
“Калиева өзү жана адвокаты жактоочу бош эместигине байланыштуу тергөө иш-аракеттерин 4-январга белгилөө боюнча кат түрүндө арыз жазып жиберген. 4-январда адвокаты Калиеванын саламаттыгы начарлап, ооруканага жаткандыгына байланыштуу тергөө органдарына бара албасы тууралуу кат жиберген. Калиеванын жалпыга маалымдоо каражаттарынын биринде аны эч ким суракка чакырбаганы тууралуу билдирүүсү чындыкка дал келбейт”, - деп айтылат аталган билдирүүдө.
Пикирлер (0)
Пикир жок. Сиз биринчилерден болушуңуз мүмкүн