Жүк ташуучуларга уруксаат берүү боюнча коменданттар буйрук иштеп чыгышат

Зарыл керек болгон товарларды ташып келүүчү жүк ташуулардын каттоосун камсыз кылуу боюнча Бишкек шаардык коменданты менен биргеликте буйрук иштелип чыкты. Бул тууралуу вице-премьер-министр Эркин Асрандиев бүгүн, 26-мартта маалымат жыйында билдирди.

Анын айтымында, бул иштерди тоскоолдуксуз ишке ашыруу максатында 3 буйрук даярдалып чыкты. Азык түлүк, дары-дармек ташуу, өндүрүү сатуу жана газ, электр энергиясы менен өз учурунда камсыздоо ишмердүүлүгүнө тоскоолдук келтирбөө боюнча жана жеңилдиктерди түзүү максатында уюштурулуп жатат.

Буйруктар боюнча уруксат кагазды (пропуск) бир күндө тейлөө мүмкүн эмес экен, ошондуктан этап этабы менен иштелип чыгып, ар бир блокпостторго тапшырылып берилет. Муну менен шаар ичинде күнү-түнү тоскоолдуксуз жүрө алышат.

Муну менен катар оорукана, дүкөндөрдө жана башка тейлөө тармагында иштегендерге даярдалып берилмекчи.