Жумгалда балык уулоого кеткен эки кишини издөө убактылуу токтотулду

Нарын облусунун Жумгал районунда балык уулоого кеткен эки кишини издөө иштери убактылуу токтотулду. Бул тууралуу “Медиа центр” мультимедиалык-маалымат агенттигине Өзгөчө кырдаалдар министрлигинин басма сөз кызматынан билдирди.

Маалыматка ылайык, Жумгал районунда 5-июнь күнү Миң-Куш айылынын 42 жана 43 жаштагы тургундары Өрнөк айылындагы Көкөмерен дарыясына балык кармоого кеткен боюнча дайынсыз болгон жарандарды издөө иштери суунун деңгели көтөрүлүп кеткенине байланыштуу убактылуу токтотулду.

Кечээ, 18-июнда издөө иштери улантылып, натыйжа чыккан эмес.

Эске салсак, буга чейин Жумгал районунда балык уулоого кеткен эки киши дайынсыз болуп жатканы айтылган.