Жумгалда санына бычак жеген адам каза болду

Жумгал районунда санына бычак жеген адам каза болду. Бул тууралуу Нарын ОИИБдин басма сөз кызматы билдирди.

Маалыматка ылайык, 11-июлда саат 21:00 чамасында Жумгал РИИБдин нөөмөт бөлүмүнө Жумгал районунун Таш-Дөбө айылында бир адамды белгисиз жигит бычак менен сайып салды деп билдирүү түшкөн.

Окуя болгон жерге барган ыкчам тергөө тобу Жумгал районунун Таш-Дөбө айылынын 1991-жылы туулган тургуну А.З. мас абалында ошол эле айылдын 1980-жылы туулган тургуну З.У.ны талаадан бычак менен сол санына сайып салганын, З.У. ооруканга жетпей каза болгонун аныктаган.

Шектүүгө карата 130-берене (адам өлтүрүү) менен кылмыш иши козголгон. Ал эми окуя боюнча соттук-медициналык экспертиза дайындалып, Жумгал РИИБ тарабынан тергөө амалдары жүргүзүлүп жатканы айтылат.