Жумушсуздук боюна Кыргызстан ЕАЭБ өлкөлөрүнүн ичинде биринчи орунда турат

Кыргызстан Евразиялык Экономикалык Биримдикте эң көп жумушсуз жарандар жашайт. Бул тууралуу ЕАЭБдин иликтөөсүнүн жыйынтыгында айтылат.

ЕАЭБдин маалыматына таянсак, Евразия экономикалык бирлигине мүчө мамлекеттерде жумушка орноштуруу кызматтарында катталган жумушсуздардын саны 2021-жылдын февраль айынын аягында 2,5 миллиондон ашуун адамды түзгөн.

Жумушсуздардын көпчүлүгү Кыргыз өлкөсү менен Россияда - 3 пайыздан.

Эң төмөнкү көрсөткүч Беларусь өлкөсүндө катталып, анда жумушсуздар эмгекке жарамдуу калктын 0,2 пайызын гана түзгөн.

2020-жылга салыштырганда ЕАЭБ боюнча жумушка орноштуруу кызматтарында катталган жумушсуздардын саны 2,5 эсеге көбөйгөн.