Зилзала: Түркияда 5894, Сирияда 1250 киши каза болду

Бүгүн, 8-февралга карата Түркия Республикасынын вице-президенти Фуат Октай берген маалыматка ылайык 5894 киши набыт болду. 

Ошондой эле 34 миң 810 адам жаракат алган.

Түркияда 36 өлкөдөн келген куткаруучулар издөө-куткаруу иштерин жүргүзүүдө.

Ал эми РИА Новости агенттиги билдиргендей, Сирияда зилзаладан каза болгондордун саны 1250гө жеткен.

Ошондой эле 2 миңден ашык адам жабыркаган.

Белгилей кетсек, 6-февралда эпицентри Түркиянын Кахраманмараш регионунда катталган жер титирөөнүн күчү 7, 8 баллга чейин жетип, оор кесепеттерге алып келген.