Тоң районунун Ички иштер бөлүмүнүн тергөө абагында зордуктоого шектелген жаран асынып алганы аныкталды. Маалыматты 30-мартта Ысык-Көл облусунун Ички иштер башкармалыгынын басма сөз кызматы тастыктады.
Маалым болгондой, 29-мартта эртең мененки саат 10дор чамасында 2002-жылы туулган соттолуучунун жансыз денеси табылган. Асынып алган жаранга милиция биринчи медициналык жардам көрсөткөн. Андан кийин тез жардам кызматы чакырылган, медициналык кызматкерлер анын каза болгонун билдиришкен.
Бул факт КЖБРне катталып, сотко чейинки процесстер башталды. Ички иштер министрлигинин Ички иликтөө кызматы текшерүүнү баштады.
Ал 1984-жылы туулган Бөкөнбаев айылынын тургунун зордуктоого шектелип кармалган.
Пикирлер (0)
Пикир жок. Сиз биринчилерден болушуңуз мүмкүн