Мыкаачылык менен жаш кызды өлтүргөн зөөкүрлөр аёосуз мыйзам чегинде жазаланат. Мындай пикирин Башкы прокурор Курманкул Зулушев Кадамжай районунун тургундары менен болгон жолугушуусунда билдирди.
Анын айтымында, коомдо мындай терс көрүнүштөрдү болтурбоо үчүн ар бир ата-эне баланын тарбиясына көңүл бурууга тийиш.
"Кадамжайда болгон окуяны баарыбыз жектешибиз керек. Бул окуя президенттин жеке көзөмөлүндө. Мыкаачылык менен жаш кызды өлтүргөн зөөкүрлөр аёосуз жазаланат.
Мен дагы бул ишти өзүм көзөмөлгө алдым. Коомдо мындай терс окуялар кайталанбашы үчүн ар бир ата-эне балага туура тарбия бериш керек",- деди Башкы прокурор.
Пикирлер (0)
Пикир жок. Сиз биринчилерден болушуңуз мүмкүн