Өкмөт аз камсыз болгон үй-бүлөлөргө ун таратат

Өкмөт өлкөдөгү аз камсыз болгон жарандарды жана үй-бүлөлөрдү ун менен камсыз кылат. Бул тууралуу Өкмөттүн басма сөз кызматынан билдирди.

Маалыматка ылайык, Мамлекеттик материалдык резервдер фондунан биринчи этапта он миң тонна ун чыгарылат.

Өкмөт калктын аялуу катмарындагылардын эч кимисин көңүл буруусуз жана камкордуксуз калтырбоо максатында аларды колдоо үчүн бардык резервди мобилизациялары айтылат.

“Ушул күндөрү кыйынчылыктарды жеңүү үчүн өзүбүздүн жоопкерчилигибизди сезүүбүз жана күчүбүздү бириктиришибиз керек. Мен четте карап турбай, көмөк көрсөтүү аракетин көргөндөргө ыраазычылык билдирем жана мамлекет жарандардын өмүрүн жана ден соолугун сактоо үчүн бардык мүмкүнчүлүктөрдү жасап жатат”, - деген премьер-министр Мухаммедкалый Абылгазиев.