Өкмөт "Кристалл" заводундагы хлорду утилдештирүү үчүн Росатомго кайрылды. Бул тууралуу өзгөчө кырдаалдар министринин орун басары Азамат Мамбетов билдирди.
Анын айтымында, Таш-Көмүр шаарындагы заводго компаниянын адистери келип, техникалык аудит жүргүзүп, сунуш берген.
"Техникалык сунуш боюнча министрлер кабинетине маалымат берилди. Учурда Россия тараптан каражат бөлдүрүп, хлорду утилдештирүү боюнча Росатом менен сүйлөшүүлөр жүрүүдө. Утилдештирүүнүн эки түрү бар экен, биринчиси — химиялык, экинчиси — коопсуз жайга ташып чыгуу ыкмасы", — деди Мамбетов.
Химиялык утилдештирүү үчүн 172 миллион рубль, сыртка ташып чыгууга 300 миллион рублден ашык акча керектелет. Эске салсак, аталган завод былтыр мартта мамлекеттин балансына кайтарылган. Анын аймагында 80 тоннага жакын зыяндуу химиялык, уулуу заттар сакталган.
Пикирлер (0)
Пикир жок. Сиз биринчилерден болушуңуз мүмкүн