Өкмөттөн Баткенде чектеш айылдардагы чыңалууну четтетүү тапшырмасы берилди

Вице-премьер-министр Акрам Мадумаров Баткен облусуна жасаган иш сапарынын жүрүшүндө укук коргоо органдарынын жана жергиликтүү бийлик органдарынын өкүлдөрү менен аймактагы кырдаалды турукташтыруу боюнча ыкчам кеңешме өткөрдү.

Кеңешменин жыйынтыгы боюнча тармактык мамлекеттик органдарга жана жергиликтүү бийлик органдарына коопсуздук чараларын, чектеш айылдардагы чыңалууну четтетүү боюнча чаралардын топтомун көрүү жана коомдук тартипти сактоо боюнча бир катар тапшырмалар берилди.

Мындан тышкары, мамлекеттик чек араны делимитациялоо жана демаркациялоо боюнча жумушчу топтордун мындан аркы ишмердүүлүгүнө тийиштүү тапшырмалар милдеттендирилди.