Бүгүн парламенттик көпчүлүктүн коалициясы Улукбек Мариповду премьер-министр кызматка баруусун жактырды. Кабинеттин түзүмү кыскартылганы көрсөтүлгөн. Тактап айтканда, вице-премьер-министрлердин экономикалык, социалдык маселелер жана энергетикалык блок боюнча орундары жоюлары айтылды.
Буга байланыштуу, 24.kg маалымат агенттиги өздүк булактарына таянып, Мариповдун жетекчилигиндеги өкмөттүн алдын-ала курамы төмөнкүдөй болорун белгилеген:
Биринчи вице-премьер-министр - Артем Новиков;
Коргоо министри - Таалайбек Өмүралиев;
Айыл чарба министри - Аскар Жаныбеков;
Энергетика министри - Кубанычбек Турдубаев;
Ички иштер министри - Улан Ниязбеков;
Өзгөчө кырдаалдар министри - Бообек Ажикеев;
Юстиция министри - Асель Чынбаева;
Маданият, маалымат жана туризм министри - Кайрат Иманалиев;
Билим берүү жана илим министри - Алмазбек Бейшеналиев;
Экономика жана каржы министри - Улукбек Карымшаков;
Саламаттыкты сактоо министри - Алымкадыр Бейшеналиев;
УКМКнын төрагасы - Камчыбек Ташиев.
Президенттин алдындагы инвестицияларды тартуу жана коргоо агенттигин экс-депутат Алмамбет Шыкмаматов жетектейт.
Жогорку Кеңештин жаңы курамы жана түзүмү 3-февралда пленардык жыйында бекитилет.
Пикирлер (1)