Өлкө аймагында 147 адам эскертүү эрежелерин бузгандыгы үчүн кармалды

Республиканын өзгөчө абал жарыяланган аймактарында 1-апрелге карата коменданттык саат ичинде кечки саат 20:00дөн таңкы 7:00гө чейин жалпысынан 147 адам эскертүү эрежелерин бузгандыгы үчүн кармалды.

ИИМ басма сөз кызматы билдиргендей, ички иштер органдарынын бөлүмдөрүнө аталган 147 жаран жеткирилип, 12 автоунаа атайын жайларга токтотулду.

Алардын ичинен:

Бишкек шаары боюнча - 119,

Ош шаары боюнча - 2,

Жалал-Абад шаары - 10,

Сузак районунда - 8

Кара-Суу районунда – 8

Ал эми Ноокат районунда коменданттык сааттын талаптарын бузгандар катталган жок. Алардын бардыгына коменданттык сааттын талаптары менен эрежелерин бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коменданттык сааттын аякташы менен коё берилди.