Өлкө аймагында аскерге чакыруу токтотулду

Кыргызстандын аймагында аскерге чакыруу токтотулду. Бул тууралуу Коргоо иштери боюнча мамлекеттик комитеттинин басма сөз кызматынан кабарлады.

Маалыматка ылайык, өзгөчө абал жарыялангандыгына байланыштуу аскерге чакыруу токтотулду. Абал турукташканга чейин Куралдуу күчтөргө кабыл алуу болбойт.

Аскерге чакыруу март айынын башында башталып 31-майга чейин созулмак. Бул аралыкта 3000 кишини чакыруу пландалган болчу.

Эске салсак, Бишкек, Ош, Жалал-Абад шаарларына 25-марттан тарта өзгөчө абал киргизилет.