Өлкө аймагында бүгүн коронавирус катталган жок

Кыргызстанда 26-мартка карата коронавирус жуктуруп алгандар катталган жок. Бул тууралуу саламаттык сактоо министрлигинин коомдук саламаттыкты сактоо башкармалыгынын башчысы Айнура Акматова бүгүн, 26-мартта маалымат жыйында билдирди.

Анын айтымында, стационардык дарыланууда жаткандардын абалы канааттандырарлык.

Белгилей кетсек, буга чейин жалысынан 44 адам вирусту жуктурганы аныкталган. Алар Ноокат, Сузак, Кара-Суу райондорунда, Баткен облусунда жана Бишкек шаарында катталган. Учурда жуктуруп алгандардын бардыгы өзү жашаган аймактардагы жергиликтүү ооруканаларда дарыланып жатышат.