Өлкөдө 7 саламаттык сактоо объектинин капиталдык оңдоо иштерин аяктады (тизме)

Кыргызстан боюнча 7 саламаттык сактоо объектинин капиталдык оңдоп-түзөө иштерин аяктады. Бул тууралуу Архитектура, курулуш жана турак жай – коммуналдык чарба мамлекеттик агенттигинен маалымдашты. 

Маалыматка караганда, бул объектилердин курулушу республикалык бюджеттен, жана "Региондорду өнүктүрүү боюнча социалдык өнөктөштүк фондусунан" каржыланды. Объектилердин долбоордук кубаттуулугу – 595 койка-орун.

Объекттерде жасалгалоо иштери жүргүзүлүп, жаңы терезелер жана эшиктер орнотулган. Ошондой эле полдорун жаңы линолеумга алмаштырып, жылуулук системасы жасалган. Андан сырткары, чатырдын, электрмонтаж, сантехника, вентиляция жана жылытуу жабдуулары толугу менен жаңыртылган.

:pushpin: Объекттердин тизмеси:

1. Ош облусунун Кара-Суу районунун Баш-Булак айылындагы №59 техникалык лицейдин профилин 150 орундуу стационарга өзгөртүү;

2. Баткен облусунун Баткен шаарындагы Салихов көчөсүндөгү 90 койкалуу поликлиниканы оңдоп-түздөө;

3. Жалал-Абад облусунун Көк-Жаңгак шаарындагы 60 орундуу жалпы дарыгерлер практикалык борборуну оңдоп-түздөө;

4. Чолпон-Ата шаарындагы 70 орундуу райондук оорукананы оңдоп-түздөө жумуштары;

5. Чүй облусунун Кемин районунун Орловка шаарчасындагы 45 орунга ылайыкталган оорукананы капиталдык оңдоп-түздөө;

6. Ысык-Көл облусунун Каракол шаарындагы Ысык-Көл облустук ооруканасынын 150 орундуу жугуштуу оорулар бөлүмүн капиталдык оңдоп-түздөө жумуштары;

7. Баткен облусунун Баткен районунун Үч-Дөбө айылындагы ФАПты капиталдык оңдоп түздөө жумуштары.