Өлкөдө COVID-19 вирусунан дагы 20 адам сакайды

Кыргызстанда коронавирус илдетинен дагы 20 адам айыкты. Бул тууралуу 24-апрелдеги брифингде Саламаттыкты сактоо министринин орун басары Нурболот Үсөнбаев билдирди.

Маалыматка ылайык, кайталанып алынган анализден илдеттин белгилери чыккан эмес.

Бир сутка ичинде ооруканадан айыгып чыккандар төмөнкү аймактарда:

Бишкек шаарында – 4;

Жалал-Абад облусунда – 8;

Ош шаарында – 8.

Республика боюнча бүгүнкү күнгө чейин жалпы 322 бейтап айыгып, ооруканадан чыгарылды.