Өлкөдө коронавирустан башкы дарыгер жана 71 жаштагы адам каза болду

2-майда Республикалык инфекциялык ооруканасында коронавирустан 2 бейтап көз жумду. Бул тууралуу Республикалык ыкчам штабдан билдирди.

Маалыматка ылайык, бейтаптардын бири – медицина кызматкери, №3 Үй-бүлөлүк медицина борборунун үй-бүлөлүк дарыгерлер тобунун жетекчиси К.Д.А., экинчи бейтап 71 жаштагы Жалал-Абад облусунун тургуну.

Ал эми эки бейтапта теӊ эки тараптуу пневмония, оорунун оор өтүшү, дем алуу жетишсиздиги катталган. Аларда дагы кошумча кант диабети, полиоргандык жетишсиздиги болгону айтылат.

Эске салсак, буга чейин коронавирус инфекциясынан өлкөдө 8 адам каза болгон.