Өлкөгө Азия оюндарындагы алгачкы алтынды Эрлан Шеров алып келди

Ханчжоу шаарында (Кытай) өтүп жаткан Азия оюндарында кыргызстандык Эрлан Шеров алтын медаль тагынды. Бул тууралуу турнирдин сайтында айтылат.

90 килограммга чейинки салмак ченинде финалда Эрлан Шеров өзбекстандык Давлат Бобоновдон күчтүү болду.

Кыргызстандык буга чейин Кытай, Ливан жана БАЭ спортчуларын жеңген.

Ал Кыргызстандын тарыхында Азия оюндарында алтын медаль алган биринчи дзюдочу болду.

Белгилей кетсек, бул өлкөнүн азыркы Азия оюндарындагы биринчи сыйлыгы.