Өлкөгө кайра карантин киргизилеби? Министрликтин жообу

25-июндагы брифингде саламаттыкты сактоо министринин орун басары Мадамин Каратаевден өлкөгө кайрадан карантин эрежелерин киргизеби деп суралды.

Анын айтымында, учурда абал оор жана муну эске алуу менен чечимдерди кабыл алуу керек.

“Бишкек жана Ош шаарларында, Чүй менен Ош облустарында эпидемиологиялык абал оор. Муну карап жакынкы күндөрү чечим кабыл алат деп ойлойм”, - деди министрдин орун басары.

25-июнга карата республика боюнча СOVID-19 инфекциясынын жаңы 228 учуру катталды. Муну менен республика боюнча жалпы 3954 учур болду.