Өмүр бою эркинен ажыратылган укук коргоочу Азимжан Аскаров абакта каза болду. Бул тууралуу анын жактоочусу Валерьян Вахитов басылмалардын бирине билдирген.
Анын айтымында, Азимжан Аскаров № 47 абактын ооруканасында 25-июлга караган түнү каза болгон. Анда эки тараптуу пневмониянын баардык көрсөткүчтөрү болгон жана абактан тийиштүү медициналык жардам көрсөтүлгөн эмес.
Жактоочу аны клиникага котортууга кече гана мүмкүнчүлүк алган, бирок дарыгерлер аны сактап кала алган эмес.
Белгилей кетсек, Азимжан Аскаров 2010-жылы июнь окуясында “улут аралык кастыкты козуткан, башаламандык уюштурган жана милиция кызматкери Мыктыбек Сулаймановду мыкаачылык менен өлтүрүүгө катышкан” деген айып менен өмүрүнүн аягына чейин соттолгон.
Пикирлер (0)
Пикир жок. Сиз биринчилерден болушуңуз мүмкүн