Өмүрбек Бабанов: Сот отурумга журналисттерди киргизүүдөн коркуп жатат (фото)

Мурдагы премьер-министр Өмүрбек Бабанов соттун кадамдарын абсурд деп атады. Бул тууралуу ал Фейсбук баракчасына жазды.

Анын айтымында, сот журналисттердин отурумга катышуусунан коркуп жатат.

"Сот отурумдун башталышында судья:

Бизде аудио-видео жазуу бар, ошондуктан сот ишине журналисттердин катышуусуна тыюу салам!

Сот отурумунан кийин ошол эле судья:

Бизде аудио-видео жазуу жок ... техникалык себептерден улам!

Абсурд!

Башында журналисттерди киргизбей, эми аудио-видео жаздырууларды чыгарбай жаткан сот эмнеден коркот?

Тиркелген документтер:

1) Судья Бердимуратов расмий түрдө аудио-видео жазууларды берүүдөн баш тартты!

2) Сот отурумунун протоколунан: адвокаттын арызынын бөлүктөрү, прокурордун мыйзамсыз арызы жана залда аудио-видео тасма бар деп айткан судья Бердимуратовдун сөзү.

Сот ачык болушу керек!",- деп билдирүү калтырган Бабанов.