“Ата Мекен” партиясынын лидери Өмүрбек Текебаев мурдагы баш прокурор Аида Салянованын сот иши боюнча комментарий берип, ага карата саясий куугунтук уланып жатканын билдирди.
“Салянованы айыптоо логикага да сыйбайт. Атамбаевдин убагында саясий куугунтук болгон. Бүгүн Атамбаев, анын көчүн уланткан Жээнбеков да жок. Эмне үчүн саясий куугунтуктоолордун негизгилеринин бири болгон Аида Салянованын иши кайра каралбайт? Эмне үчүн кээ бир саясатчылардын ишин жарым саатта караган Жогорку Сот Салянованын ишин кайра карагандан баш тартып олтурат? Бул бүгүнкү сот системасы оңоло элек экенинен кабар берет”, - дейт ал.
Пикирлер (1)