6-июнда Бишкек шаарындагы "Ала-Тоо" аквапаркында чөгүп каза болгон 3-класстын окуучусунун апасы кайрылуу жасады. Бул тууралуу ал социалдык тармактагы баракчасына жазды.
Окуучунун апасынын айтымында, аквапаркка эки ата-эне коштоп барган. Ал жерде каза болгон баланын апасы болгон эмес.
"Биз мектепке жана куткаруучуларга ишенип балдарыбызды жөнөткөнбүз. Менин уулум чөгүп кеткенден кийин дагы тез жардам чакырылган эмес. Мен 15 мүнөт ичинде бардым. Мен баргандан кийин тез жардам келди. Мен барганда баламдын руху учуп кеткен экен.
Эми мен баламсыз кантип жашаймын? Балам чөгүп жатканда куткаруучулар кайда эле? Бир айдан кийин 12 жашка толмок.
Сураныч туура маалымат таратыңыздар. Мен ал жерде болгон эмесмин. Жалган маалымат таратпагыла",- деп жазган аквапаркта каза болгон окуучунун апасы.
Пикирлер (1)