Асылбек Жээнбеков бошотулбаса, митингдер улантыла берет. Мындай пикирин Жээнбеков Асылбек Шариповичти коргоо жана колдоо штабынын жетекчиси Турат Оморов Кара-Кулжа районунда өткөн митингдин жүрүшүндө билдирди.
Штаб жетекчинин айтымында, Асылбек Жээнбеков боштондукка чыкпаса Бишкек жана Ош шаарларында да митингдер уюштурулат.
“Митингдерди Кара-Кулжада гана эмес, Ош, Бишкек шаарларында да уюштурабыз. Анткени, Жээнбековдун тарапкерлери Кара-Кулжада гана эмес, башка аймактарда да бар. Депутаттык ишмердигинде бир гана биздин өрөөндүн эмес, жалпы кыргызстандыктардын көйгөйүн чечкен, көрүнүктүү депутат. Үч чакырылыштагы парламенттин депутаты болду. 4 жылдан ашык парламенттин төрагасы болуп иштеди, кыргыз парламентин, кыргыз өлкөсүн эл аралык ареналарда татыктуу таанытты. Өз милдетин так, таза, өлкө кызыкчылыгында аткарды. Асылбек Шарипович – республикалык масштабдагы, өзүнүн салмактуу орду бар көрүнүктүү саясатчы. Ошондуктан анын таламын биз башка аймактардагы тарапкерлери менен бирдикте коргойбуз”, - деди Турат Оморов.
Пикирлер (4)