"Ата Мекендин" депутаты партиядан чыкты

Жогорку Кеңештин депутаты  Сайдулла Нышанов "Ата Мекен"  фракциясынын мүчөлүгүнөн чыкты. Бул тууралуу Жогорку Кеңештин жыйынында билдирди.

"Партияда өзгөчө пикир келишпестиктер жок. Бирок мен ички авторитаризмди колдобойм. Мен жетекчинин талабы боюнча гана айтууга жана кылууга макул эмесмин. Менин билишимче, мени фракциядан чыгаруу аракети болгон, бирок жетиштүү добуш болгон жок", -деди Нышанов.

Ал мындан ары да депутаттык ишин уланта берерин кошумчалады.