"Ата Мекен" партиясы 9-октябрда кезексиз курултай өткөрөт

2021-жылдын 9-октябрына “Ата Мекен” партиясынын кезексиз XIV съезди чакырылды. Бул тууралуу токтомго партия лидери Өмүрбек Текебаев кол койду.

"Съезддин күн тартибинде 2 маселе каралат:

Биринчиси, өлкөдөгү коомдук-саясий, социалдык-экономикалык абал,

Экинчиси, алдыдагы парламенттик шайлоого карата партиянын талапкерлеринин тизмесин аныктоо.

“Ата Мекен” башка партиялардан айырмаланып, реалдуу иш жүргүзгөн партия. 

Артыкчылыгы – съездин алдын-ала дайындап, жер-жерлерде делегаттарын шайлайт.

Ошентип, партиянын чечими жергиликтүү уюмдардын пикирин эске алуу менен кабыл алынат.

9-октябрда өтүүчү съездге жер-жерлерден 60ка жакын делегаттар чакырылат",- деп жазылат маалыматта.